School News

Junior Landsdienskamp

Die graad 8 en 9 Landsdieners was die afgelope naweek op n Landsdienskamp te Camdeboo SAN Park in Graaff Reinet.

Die kampers het heerlike weer gehad en die program was lekker besig. Na die nes skrop, Vrydagmiddag kon die Landsdieners die terrein bietjie verken. Na aandete het hulle handwerk gedoen en speletjies gespeel. Dit lyk of kaartspeel  weer hoog mode  is en hulle het glad nie hu selfone gemis nie. 

Saterdagoggend na ontbyt het Rosemary Scheepers van SAN parke die kampers besig gehou. Hulle is op n lang skattejag stap deur die kamp en na n praatjie oor die parke het hulle in kompetisie formaat n vasvra oor die parke gehad. Hulle het ook verskeie ander speletjies gespeel soos 'Ecology pyramid 'game en 'Camdeboo challenge.'

Die middag na ete is hulle op Vallei van Verlatenheid toe. Dit is darem een van die mooiste plekke in ons land. Vandaar kon hulle ook sien waar die reuse vlag met vetplante geplant gaan word. Die kampers het ook deur die wildpark gery en dit was hartseer om te sien hoe leeg die dam en droog die veld is. 

Die aand het die graad 9 seuns die wors gebraai en daarna kon hulle lekker kuier om die vuur. Na die lang dag het n paar seuns nog kans gesien om die koppie agter die kampterrein uit te klim. 

Juffou Zizi en Juffrou Meyra wil vir Anneli Emmerich en Bennie Rens baie dankie se dat hulle saamgegaan het om die bus te bestuur en te help met die aktiwiteite. Dit word opreg waardeer.

Jane presteer in Luggeweerskiet

Jane van Geems het die afgelope naweek in die Kwazulu Natal Ope geskiet vir SAARA (South African Air Rifle Association)
Sy verower n goue medalje in haar 10m Olimpiese dissipline en word uitgenooi na die SAARA SA's wat Oktober gehou gaan word in Douglas in die Noord Kaap. Jane skiet ook n volkaart in die lĂȘ posisie 100/100.
Baie geluk met die puik prestasie Jane! Alieland is baie trots op jou!

Lara blink uit by SA Landloopkampioenskappe!

LaraLara behaal 'n 2de plek by die SA landloopkampioenskappe gehou in Pretoria. Sy moes deelneem in snikheet temperature van 34 gradeđŸ”„. Sy het die Vrystaat meisie gewen wat haar die hele jaar so opdraande gegee het, sy het selfs die eerste keer in haar lewe vir die befaamde SimonĂ© Weits gewen, sy is daarmee dus in die voorlopige SA span na die IAAF Landloop Wereld Kampioenskappe 2018 in Denemarke.
Baie geluk Lara met die pragtige prestasie! Harde werk en ure se oefen het wel vrugte afgewerp!