School News

Seunshokkie teen Queens

Op Maandag 23 Julie het die seunshokkiespanne die manne van Hoërskool Queens aangevat.
Die 0/15 span het teen Queens se 0/16C span gespeel en ongelukkig verloor 3-2.
Die eerstespan het teen Queens se 0/18B span gespeel. Nadat Queens in die eerste helfte hulle alles gegee het met verdediging kon die Alies deurdruk en wen die wedstryd op die ou einde met 3-0.
Elkeen van die seuns het hulle beste gelewer. Hulle volgende wedstryd vind plaas op Maandag 30 Julie teen onderskeidelik Hoërskool Martie du Plessis en Hoërskool Sand du Plessis. Daar is ook ‘n heerlike toer na Port Elizabeth wat wag op Vrydag 3 Augustus.

Ons Gee Om Landsdiens

67 minutes for Madiba!
Die ANHS Landsiens het Woensdag 18 Julie 67 minute spandeer om hul omgewing ‘n bietjie beter te maak!
Die Junior groep het in die skooltuine ingevaar! Hulle het skoongemaak en ook die nuwe tuintjie tussen die klaskamers en hoofgebou afgerond.
Die seniorgroep het na die rivieroewer gegaan en daar langs die parkrun roete gaan skoonmaak. Na maande wat dit daar skoon was, word daar weer rommel langs die rivier gestort. Vele hande maak ligte werk en na 67 minute kon ‘n daadwerklike verskil gesien word. Nie net lyk dit skoon en mooier nie, maar Moedernatuur is van erge besoedelaars soos plastiek gered!

Seniorgroep

Tuintjie word mooi afgerond

vele hande maak ligte werk