School News

Hokkie vs Girls High

Die meisies van Queenstown het Saterdag teen die hokkie bokkies van Aliwal gespeel.

Die uitslae was as volg:

Onder 15 verloor 1-0 in die laaste minuut

Derdespan verloor 2-1 na hulle die hele wedstryd 1-0 voor was

Tweedespan wen 2-0

Die eerstespan verloor 3-0. Juffrou Erwee is baie trots op haar span al is dit ‘n verloor. Dit was ‘n baie goeie wedstryd en  die meisies het mooi gespeel.

FNB Classic Clashes

Alies vs Hangklip
Die kragmeting teen Hangklip is ‘n jaarlikse hoogtepunt op die sportkalender. Baie dankie aan mnr. ET Disco wat die seremoniemeester van die dag was. Dankie aan FNB Aliwal- Noord bestuurder Mnr. Van Der Vyver wat jaarliks die groot dag ondersteun. Alieland was opgetooi in die FNB kleure en het gasheer gespeel vir baie van die Laerskool wedstryde ook. Die feestelike atmosfeer het bygedra tot ‘n genotvolle dag van skole sport. Die pragtige sjampanjenooientjie van ANHS was Haumene Geldenhuis, baie dankie Mnr. C. Liebenberg vir die pragtige motor waarin die meisies kon arriveer. Die Alies vs Hangklip het werklik ‘n “classic clash” geword!

RUGBY
Buffels vs Hangklip
Die FNB Classic Clash teen Hangklip is altyd ‘n taai wedstryd en Saterdag het nie teleurgestel nie. Nadat albei spanne voorgestel is en die kapteine ‘n glasie sjampanje geklink het, het die Buffels en Hangklip op mekaar neer gesak. Hangklip trek eerste bloed met ‘n drie deur hulle hakker en spankaptein in die eerste 5 min. Die Buffels antwoord op Hangklip se aansalg met ‘n drie in die hoek deur die vleuel Anver Booysen. Beide spanne se verdediging word goed verder getoets en Hangklip slaag daarin om net voor halftyd weer punte aan te teken met ‘n drie weereens deur hulle spankaptein. Die halftyd telling was 12-5 in die guns van Hangklip. Na die spanne se vurige span praatjies halftyd is die Buffels slaggereed met ‘n aanval en teken punte aan met ‘n drie deur Danie Kotze na verskeie strafskoepe aan hulle toegeken is in die 15de minuut. Die telling was nou 12-10. Hangklip antwoord op die Buffels se vrae en druk ‘n drie na ‘n dryfbeweging voor die doellyn, daar is slegs 10min van die wedstryd oor, die telling nou 17-10 in die guns van Hangklip. Met slegs 3minute oor van die wedstryd en die Buffels op Hangklip se doellyn slaag Eben Lategan daarin om oor die doellyn te duik en die skop word verdoel deur die skrumskakel Mchitha Ncipha, die telling nou 17 elk. Die wedstryd eindig met die Buffels weer op Hangklip se doellyn besig met ‘n teenaanval, maar aan die einde van die dag is die tyd te min en die eindfluitjie blaas met die telling op 17-17. Die trofee word dan weer gedeel soos in 2016 toe die telling ook gelykop geiendig het op die Buffelkamp met 10 punte elk.

Onder 16’ s Young Buffels
Die YB’s het hulle westryd oortuigend gewen met ‘n telling van 30-10 nadat hulle alreeds met 15-5 voor was teen halftyd. Die wedstryd het teen ‘n geweldige pas begin en Aliwal was van die begin af op hul doellyn. Die druk was net te veel en Hangklip staan ‘n stafskop a fen die Alies teken die strafskop aan en loop 3-0 voor. Hangklip verdedig verwoed maar net voor halftyd druk die Alies 2 keer. Na die draai begin Hangklip sterk maar die YB’s se verdediging en geduld hou hulle werk hulsef terug in hulle helfte en gaan kuier nog 3 keer agter die Hangklip doellyn. Hangklip druk ‘n onderskep drie in die doodsnikke van die wedstryd wat die telling sagter laat blyk. Baie geluk YB’s met ‘n goeie oorwinning. Drieë gedruk deur Christian van Zyl (2), Handre du Toit, Justin Jordaan, en Tsepiso Labane. Phelela Ngcangca slaag met 1 strafskop en 1 doelskop.

Onder 15 Klein Buffels wen weer.
Die jaarlikse interskole teen Hangklip het weer gesorg vir gesonde hardloop rugby wat nie teleurstel nie. Hoërskool Aliwal Noord se onder 15A Klein Buffels rugby span oorrompel die onder 15A rugby span van Hangklip met 24 punte teenoor 5. Die Klein Buffels het hulleself goed van hulle taak gekwyt deur van meet af klipharde duikslae uit tevoer en die besoekers te laat sweet om die bal onder hande te kry. Alhoewel die span van Hangklip man vir man baie groter as die Klein Buffels was het die KB’s net weereens Doc Craven se ou spreekwoord bewys, “It’s not the size of the dog that counts in the fight, but the size of the fight in the dog that counts.”
Punte makers vir die Klein Buffels was as volg:
Drieë gedruk deur: Josh Britz, Serue Serue, Mohale Makoa en Wessie Odendaal.
Twee drieë is verdoel deur Wessie Odendaal.
Welgedaan en doen so voort KB’s. Ons hier in Alieland is supertrots op julle en ons sien uit na julle volgende wedstryd.
Onder 14
Verloor 10-5

FNB CLASSIC CLASHES ALIES NETBAL vs HANGKLIP

Op 22 Julie het Hoërskool Aliwal-Noord gasheer gespeel vir die FNB Classic Clashes teen Hoërskool Hangklip. FNB “banners” was orals te sien en die atmosfeer en gees van albei skole was uitstekend.

Netbal uitslae was as volg:

o.14 A verloor 7 – 20
o.14 B verloor 3 – 5
o.16 A verloor 7 – 19
o.16 B wen 6 – 5

Die o.16A-span se halftyd telling was 4 – 9 in Hangklip se guns. Alies het die potensiaal gehad om in te haal, maar nou ja! Die o.16B-span het ‘n baie mooi wedstryd gespeel. Dit was hittete of Alies het verloor. Gelukkig het die beste span gewen.

o.16 C wen 26 – 6
4de span wen 10 – 2
3de span wen 12 – 2
2de span wen 21 – 14
1ste span verloor 12 – 28

Andriesa Pretorius is baie trots op haar 2de span. Hulle het alles wat hulle geleer het op die baan gedoen en het die vrugte daarvan gepluk.

Om 10:20 was dit tyd om die 1ste Netbalspanne voor te stel. Spanne en afrigters is voorgestel deur E.T. Disco. In groot afwagting het die wedstryd om 10:30 begin. Die skeidsregters vir die wedstryd was Jomari Kuhn (Zastron) en Leroy Claasen (Bloemfontein). Albei het hul baie goed van hul taak gekwyt. Baie dankie.

Kay-Sue Crook, ook kaptein van die 1ste span, het ‘n besering gehad en Andriesa moes noodgedwonge ‘n plaasvervanger kry vir die wedstryd. Die span se ritme was bietjie versteur, maar elkeen het nog steeds hul beste gegee. Reba defended very well.

"School sports are the breeding grounds for the next generation of national players and leaders in many countries. This is because of the discipline and dedication that a sportsman or woman requires to excel.

We are really proud to think that we have a hand in helping junior
talent to develop.

HOKKIE
Eerstespan
Die eerste hokkiespan het Saterdag teen ‘n baie sterk span van Hangklip gespeel. Hangklip kon daarin slaag om baie vroeg gedurende die eerste helfte ‘n doel aan te teken. Die res van die wedstryd was hard en gekenmerk deur vinnige spel en goeie verdediging deur beide spanne. Alies het in die laaste 10 sekonde van die wedstryd ‘n korthoekie gekry en kon daarin slaag om ‘n doel aan te teken. Die finale telling was 1-1.
Tweedespan
Alies se tweedespan het die dou van die veld af gespeel met ‘n uitstekende vertoning. Hulle het goed as ‘n span saam gespeel en hul was beloon met ‘n 2- 0 oorwinning teen Hangklip se tweedespan.
Onder 15 span
Die 0/15 hokkie bokkies het sterk begin en die bal was meestal in die Alies se sirkel. Daar was baie pogings om doele aan te teken. Die skeidsregter het selfs ‘n ‘penalty flick’ aan die Alies dogters toegeken ,wat ‘n eerste was vir die seisoen, maar hul doelwagter het die poging gekeer. Die dogters het ongelukkig nie daarin geslaag om punte aan te teken nie, maar hul het puik saam gespeel. Die telling was 0-0 teen Hangklip se 3de span.