Ilne ‘n Tennisspeler om dop te hou!

Ilne PrinslooDie Growth Point, Super 8 tennistoernooi, is vanaf 24 April tot 28 April in Bloemfontein gehou. Tennis spelers van regoor Suid-Afrika neem deel in hierdie toernooi omdat dit ‘n opwarming is vir die Nasionale Tennistoernooi.

Baie geluk Ilne Prinsloo (onder 14) wat 19de van 64 in hierdie toernooi gekom het.

Prag Atlete gaan Paarl toe!

Sewe van ANHS se top atlete het die skool en hul provinsie verteenwoordig by die ASA Nasionale Kampioenskappe in Paarl vanaf 8-11 April. Atlete van regoor die land het hul onderskeie provinsies verteenwoordig en meegeding vir die titel van beste in die land! Ons atelete vaar goed tussen die bestes in die land en hul kan baie trots wees op hul prestasies.

Monique Weitsz (dogters o/18) behaal ‘n 3de plek vir haar 5000m Stap item met ‘n pragtyd van 27:52.68s, wat ook haar persoonlike beste is vir die item. Robert Orrock (seuns o/18) behaal ‘n 4de plek vir sy 2000m hindernis wedren met ‘n tyd van 6:23.28s. Francois van Niekerk (seuns o/16) behaal ‘n 6de plek vir Hoogspring. Catherine van Aardt (dogters o/16) behaal ‘n 12de plek vir haar 3000m met ‘n tyd van 11:43.77s. Marlinka Zurich (dogters o/16) behaal ‘n 14de plek vir Spiesgooi ook met ‘n persoonlike beste afstand van 38.20m. Ethan Du Plessis (seuns o/18) en ChesnePharo (dogters o/19) behaal ‘n 5de en 7de plek onderskeidelik in hul uitdun rondtes vir die 100m. Ethan behaal ook ‘n 6de plek vir die 200m in sy uitdun rondte.

Welgedaan Alies!

ANHS spog met puik onnies!

Nie eers ‘n grendeltydperk kon ons ANHS onnies stuit nie. By die jaarlikse Joe Gqabi District Achievement Awards seremonie is ‘n hele bakkievrag van ons onnies vereer vir hul pratige uitslae tydens die Matriekeindeksamen 2020. Graag wil ons baie geluk sê aan die volgende onderwysers.

Me. Meyra Venter  se matrieks behaal 100% slaagsyfers vir Afrikaans Huistaal, Me. Lise-Marie Kruger behaal 100% slaagsyfer vir Rekeninkunde en Mnr JF Bosch behaal 100% slaagsyfer vir Ingenieursgrafika en Ontwerp.

Me. Ilse Booysen  en Me. Sandra Watkins behaal elkeen 7 onderskeidings vir hul vak, Lewenswetenskappe. Mev. Ananda Visser en Mev. Naomi Liebenberg behaal elkeen 5 onderskeidings vir hul vak, Wiskunde Geletterdheid. Me. Rochelle Vorster behaal 8 vakonderskeidings vir English First Additional Language asook die meeste onderskeidings vir Engels FAL in die distrik!

ANHS verwerf tweede plek in die Joe Gqabi Distrik met ons tweede hoogste Graad 12 slaagsyfer. ANHS word vereer met nog ‘n tweede plek posisie vir die tweede meeste Baccaulareus Graadstudie kandidate in die Joe Gqabi distrik.

Baie geluk ons is trotse Alies! My trop, my trots!